يَاعَــمْ فُكَــكْ مِنْ التَكْشيِـــــــرَة
خُد لَكْ مِنْ الأفراح تَأشِيـــــرَة
واحجِز تَذكرتيِــــــن للبَسْمَــة
واطلَع بَقى عَلى أحْلىَ جزيِرَة
خُد لَكْ تَصريِـــــح مَنْ الدُنيَـا
واضْحَك بَقى وفُضهَا سِيـــرَة
أَصل البَسمَة طَريِق أزهَــــار
تِعشَــق عِطرَهَا ليِل ونهَـــار
أمَا الحٌزن نَبــاتْ صَبــــَــــار
تِلمـــــسْ شُوكُة يَدُوب تِنهَــار
لو بَاقى للـــــحُزن رتـُــــوش
أضْحـَك عَادى بوشْ بَشُــوش
وارجَع بقى مِن الرحلَة الحلوَة
بأجمل بَسمة وأروَع غِنــــــوَة
ومتنساش تِحجز تَأشيِــرة
وخَلاصْ بَقــــــــى
فُكْ التَكْشِيــــــــــرَة ..
:)
https://www.facebook.com/OLaFarragFantastyka

بحبها أوي :)
ردحذفنفسي أفك التكشيرة في الحالة اللي أنا فيها دي دلوقتي
بس مش عارفة ..
لولا مدونتك الجديدة يمكن ما كنتش أعرف :D .. ألف مبروك يا جميل :)
و ان شاء الله نفك التكشيرة :D
ميرسى جدا يا ساره وان شاء الله تكونى أحسن
ردحذفواتمنى تتابعينا على طول :)