رتوش

بص أصل أنا هحكيلك ركز..
أول خطوة بتبقى حقيقة
طعم الفكرة في حَلقكْ مُر
كتر الدوشة أساسي بيتعب
شعب وطبعه مبيفرحش
حتي الحلم الملموس ضحكة
يصحي ومنه كأنه كابوس
آخرك تعشق مرة كفاية
ومن غير تبديل في مشاعرك
حتي الندهه اللي بصوت بنت
هديت فجأة بحقنة بنج
كتر الرغي بينسج حَلقة
ماتوصَلش لحد البر
طول ما عيونك متغميه
وشايفة غابات..
بردو هتضحك ضحكة اياها
زي برود الجو لوحدك
والحطب المتغذي بشوقك
اصبح مـ البعد مبيدفيش
والشعب اللي لسانه متلجم
وقت ما يفرح فجأة هينزف
ولا يبكيش..

حالة قرف عامة !

حالة قرف عامة 

حالة يأس بزياده

حالة غياب حالة انعدام

حالة فراغ حالة سخافة

حالة قرف عـ الكل 

حالة سكات وضحكة تاجها الدموع

عزيزي المواطن بلاش فرط التفاؤل دا

الله يروق بالك يا عم ..

خليك هادي شوية وخفف 

دي السرعه بـ الرادار متراقبه

خليك أبرد مـ التلج وركز 

عشان تقوى عـ النار اللي جواك

متعقدهاش بقفلة وشك 

مش ناقصك ولا ناقصني كآبتك

دي حالة قرف عامة ..

والدعوة مجاني 

يلا أنا عازمك !

خلل !

لحظة لما بتفقد الوعي ويكأنك

 بتنفصل بسرعة عن العالم الخارجي

بتدخل عالم تانى بتشوف الدُنيا سواد

 ولحظات بتمر قدام عينيك ووشوش 

ناس كتير قدامك بتنفصل إنفصال تام

 زي ماتكون دخلت عالم تانى

بشوف حاجات غريبه وكأن روحك أوشكت على الرحيل 

بتشعر بتناقض فى نهاية الأمر وقد استغرق أقل من 8 ثوان

وبتبدأ تفوق وعيونك بتدمع وصراع 

ما بين إيد لامسه إيدك وبتنادى بإسمك 

ورأسك فى حضن حد وإيده بتلمس شعرك وبتطبطب عليك

كأنها بتشدك من العالم اللي فقدت فيه الوعى ومحاولتك 

للإستجابه للعالم الخارجى وهروبك من المكان اللى فقدت فيه 

فى نهاية الأمر بتبقى فى مرحلة إستكنان تام جسدك على وضع معين 

بدون حركه بتحاول تستوعب اللى حصل بدون استجابه 

ويبقى 3 حاجات يقظة فيك ..

النبض

 السمع

العين تبصر فى زاويه معينه 

بتخرج من ده كله بحالة من اللاشىء

كأنك كنت بتحلم ومش قادرتجزم إن اللى حصل فقط فى أقل من 8 ثوان

ولحظتها ممكن تكون 

قابلت الموت 

أو عُدت للحياة من جديد

أو ترجع للحياة مفتقد شيء ما ! 

الحاجة الوحيده اللى كنت أتمناها أعود فاقدة للذاكره 

 بس الحمد لله  

شتاء جديد

    شتاء جديد...وعام جديد    

شعور جديد أيضا ينتابني !

قد يبدأ التغيير أو يستمر الحال ! 

لا أعلم أنها فقط محاولة للتجديد 

إضافة بعض الأحداث إلي دفتر مذكراتي 

شتاء جديد قد يبدأ ببرودة حادة

ودواخلنا تحترق من العام الماضي

عيون مغلقة وليست بنائمة

مازالت تعاني من الأرق المُزمن

أصوات عكفت علي الهتاف

أصابها الخرس وانقطاع الصوت

وأذان ظلت تسمع سخافات البعض

حتي هجت الحروف مسرعة إلي الهواء الطلق

شتاء جديد يا صديقي .. فكيف يكون؟!

هل ستمطر السماء ..؟ وتتراكم الغيوم

هل سأظل أعشق الشتاء .. ؟

وأمضي معك في ليلة شتوية !

أم سيجبرني الشتاء علي الهروب !

شتاء جديد

أحلام جديدة

تتقلب الطموحات

تتشكل الأمنيات

تكثر المحبة والشوقيات

أم شتاء يرتدي ثوب القدامي

وتكثر الهموم

وتنعدم الأخلاقيات

وتزول المبادئ

وتتحطم الآمال

لعل هذا الشتاء ليس بجديد !

أخبرني يا صديقي متي اللقاء

في شتاء نقي مجرد من السلبيات

شتاء يغازل أحلام تلك الطفلة البريئة

شتاء جديد فكيف يكون ؟!