توهان

يعنى اسرح ف الفضا 

ولا اخرج من الفــراغ 

يعنى ابقى منــــفضه

واعيش كده وخـــلاص

انا عايشه وسط الناس

بالطيــبه والاخـــــلاص 

وساعات مستغربـــــه

دى حياتــى ملـــخبطه

فى التوهه وسط الناس 

نفســى ابـــقى مقــربه 

بالحـــــب والاحـسـاس

نفسى اخرج م الفــضا 

واملى فراغ النـــــاس :)

من وسط أحلامها العبيطة :)

من وسط أحلامها العَبيطة ..

من وسط أحلامها العَبيطة 

نفسها تعيش جو القصيدة

الكسرة بالوجع تقتلها 

والفَتحة بالأمل تملاها 

والضَمة بالحَنان تغمُرها 

نفسها تعيش جَو القصيدة 

تِغرق فى بحُور الشعر 

نفسها تحس الوصف نفسة 

والحَنان اللى انت لامسُة 

نفسها تعيش لحظة كتابة 

القصيـــــــــــدة 

نظرة عينيك رسم الحروف 

لمسة القَلم بين ايديك 

نفسها تتوه وسط الكلام 

وسط القوافى والأوزان

وسط مَعنى الابتسام 

نفسها تعيش جوالقصيدة 

وانت بتِغزلها بأروع كلام

نفسها تكون هى القصيدة 

وأنت بتفكر تكتبها 

وانت بتحاول توصفها 

بكل الحنان ..كل الغَزل..

كل الآمال ..والأحلام

والحرف لما جِة 

على السطر مَـال

لــ علا فراج